一堂 60 分鐘，喺 Dr SEM 點樣過？講解示範、模仿跟練、實習應用

好多家長第一次來到 Dr SEM Education 英科教育，都會問同一條問題：「一堂一小時，究竟做啲咩？係咪坐喺度做卷？」答案係：唔係。我哋唔係操卷班，而係解卷班。操卷可以喺屋企做，課堂嘅時間就留嚟做最需要老師在場嘅事：教識同學點樣諗、點樣做。

第一段：講解示範（0–20 分鐘）

老師會揀出關鍵題目，一步步拆解：題目考緊咩概念、應該由邊度入手、有咩常見陷阱。重點唔係講答案，而係示範背後嘅思路，等同學知道「點解要咁做」。

第二段：模仿跟練（20–40 分鐘）

同學跟住老師示範嘅方法，做返類似嘅題目。小班上課，老師可以即時睇到每位同學做到邊一步，有錯即場指出、即場改正，唔會等到考試先發現。

第三段：實習應用（40–60 分鐘）

最後一段由同學自己動手，用啱啱學到嘅技巧獨立完成題目，確認自己真係識。下堂之前，同學帶住呢套方法返屋企繼續練，操卷先至操得有方向。

點解要咁安排？

只係不停做卷，錯嘅位好容易一錯再錯；先學識方法、再跟住練、最後自己用，技巧先會真正變成同學自己嘅嘢。每堂三段，一步一步，進步先會穩陣。

我哋喺馬鞍山同石門以小班教授英文、數學、理科同 STEAM。想查詢學位或安排試堂，歡迎 WhatsApp 6391 6618。